10.dagar

Frábær dagskrá á Austurlandi framundan!!!

 Kíkið á skjalið í viðhengi

 

Skrár tengdar þessari bloggfærslu:

• Dagskrá Listar án landamæra á Austurlandi

11.dagar

Abstrakt - Guðrún Bergsdóttir og Jón B.K Ransu sýna í Hafnarborg

Þau Guðrún Bergsdóttir og Jón B.K Ransu leiða saman hesta sína í listasafninu Hafnarborg í Hafnarfirði. Bæði eru þau að vinna abstrakt verk en þó með ólíkum hætti af ólíkri hugsun.Ransú vinnur verk sín með málningu á striga en Guðrún saumar út.Einstök sýning tveggja frábærra listamanna.  

Sýningin opnar þann 5.maí klukkan 17:00

 

14 dagar

                                   

Myndlistaskólinn í Reykjavík hóf haustið 2010 tilraunastofu í myndlist fyrir þá sem bágt eiga með að nota hendurnar.  Hvatningamaður námskeiðsins var Edda Heiðrún Bachman og hafa tvö slík námskeið verið haldin. Nemendur komu einu sinni í viku í tvo og hálfan tíma í senn og stóð hvort námskeið í níu vikur.  Í Þjóðminjasafninu verða sýnd valin verk nemenda. 

Sýnendur eru Ólafía Mjöll Hönnudóttir, Edda Heiðrún Bachman, Auður Þorkelsdóttir, Hjálmar Magnússon og Sonja Sigurðardóttir. Leiðbeinandi var Margrét H. Blöndal, myndlistarmaður.

Opnun sýningarinnar er laugardaginn 30.apríl kl.14.

Sýningin er opin á opnunartíma safnsins og stendur til 15.maí.
-

Föstudaginn 6.maí frá kl.12-13 verður hádegis-málþing á vegum Þjóðminja-safnsins 

Margrét Blöndal listamaður flytur erindið: Hömlun sem skapandi afl (erindi um sýningarverkefnið) Sigurjón Baldur Hafsteinsson lektor í safnafræði við HÍ flytur erindið: Fötlun, söfn og safnafræði
Hanna Björg Sigurjónsdóttir, dósent í fötlunarfræði við HÍ flytur erindið: Fötlun, list og fötlunarlist

 

15.dagar

 

Verndarenglar 
 

Leikfélag Sólheima sýnir leikritið ´´Verndarenglar´´. Skemmtilegt leikrit fyrir unga sem aldna um álfa, tröll, börn, engla og fleiri kynjaverur. Stór hópur íbúa og starfsmanna Sólheima tekur þátt í uppsetningunni. Leikstjóri og handritshöfundur er Þórný Björk Jakobsdóttir. Leiksýningar fara fram í íþróttaleikhúsinu að Sólheimum í Grímsnesi. Upplýsingar um sýningartíma og miðapantanir er hægt að nálgast á www.solheimar.is

16 dagar

Í gær, og aftur í dag, er ör námskeið í grafík hjá ´´Íslenskri Grafík´´ í Hafnarhúsinu. Þær Elísabet, Irene og Gunnhildur leiðbeina hópnum og gefa vinnu sína við þetta frábæra verkefni. (Takk elsku þið, þið eruð frábærar)

Hér eru myndir frá upphafi námskeiðsins. Afraksturinn verður svo sýndur á List án landamæra í maí.

 

  TAKK FYRIR

17.dagar

Opnunarhátíð Listar án landamæra á Norðurlandi verður laugardaginn 7.maí í Ketilhúsinu.

Þar sýnir m.a. leikhópur Fjölmenntar „Apóllóníu“ í leikgerð, eftir færeyskri sögu Edwards Fuglö.  Íslensk þýðing  eftir Úlf Hjörvar. Leikstjóri er Saga Jónsdóttir leikkona.

Leikendur eru:  Anna Ragnarsdóttir, Elma Stefánsdóttir, Heiðar H. Bergsson, Kristín Björnsdóttir, Kristín Ólafsdóttir Smith, Matthías Ingimarsson, Nanna Kristín Antonsdóttir, Vignir Hauksson, Sölvi R. Víkingsson.

 

Talið niður í hátíð 2011

Nú eru 18 dagar þar til List án landamæra 2011 byrjar.

 Við erum spennt! ; )

 Meðal skemmtilegheita verður Blómagarður Ásgarðs

 

Ásgarðsmenn eru mikið fyrir að fara óhefðbundnar slóðir og þann 7.maí við Norræna húsið bjóða þeir uppá  sýninguna Blómagarðinn. Þar verður boðið uppá risastór ævintýrablóm, vatnshreinsibúnað gerðan úr trjábolum og ýmsar furðuverur.

 

Smá sýnishorn frá List án landamæra 2011 ; )

Ingi Hrafn sýnir kirkju og fjallaverk í Hoffmannsgallerýi

 

Flott fólk úr FG sýnir í Gallerí Tukt

List án landamæra verður í samstarfi við Leikhús Listamanna

 

Guðrún Bergsdóttir og Ransú sýna í Hafnarborg

Huglist sýnir í Ketilhúsinu og afhjúpar svo risavaxinn skógarvörð í Kjarnaskógi.

 

Blikandi Stjörnur fagna 11 ára afmæli á árinu.

Þau syngja og spila í Iðnó og í Norræna húsinu

 

Námskeið í grafík!!!

Speglun

Grafík-vinnustofa í samvinnu við List án landamæra
Umsjón hafa Elísabet Stefánsdóttir, Gunnhildur Þórðardóttir og Soffía Sæmundsdóttir. 

Námskeið í  þrykki verður haldið á verkstæði Íslenskrar Grafíkur í Hafnarhúsinu þriðjudaginn 12.apríl og miðvikudaginn 13.apríl (tími auglýstur síðar).  

 Áhugasamir þurfa að skrá sig hjá List án landamæra fyrir 4.apríl. Sendið póst á [e-mail] eða hringið í síma 691-8756 

Ekki er þörf á þekkingu í grafík. Áhugi er allt sem þarf ; )

Takk fyrir góðan fyrirlestur

Við þökkum Söru fyrir góðan og áhugaverðan fyrirlestur um Creative Growth !!!