Opinn fundur um List án landamæra á Vesturlandi, mánudaginn 12.desember

 Kæru vinir
 
Opinn fundur verður haldinn Á Akranesi, mánudaginn 12. Desember frá kl.11-12.
Staðsetning: Stillholt 16-18, fundarsalur á 3.hæð

- List án landamæra er Listahátíð sem haldin er einu sinni á ári. Þar er pláss fyrir allskonar fólk og allskonar atriði.
 
- Fundurinn á mánudaginn er hugsaður til hugarflugs, umræðna og skoðanaskipta um
hugmyndir fyrir hátíðina á Vesturlandi 2012.
 
- Á fundinum verður farið yfir hvað hefur verið að gerast. Hvað liggur fyrir í vor?
Og síðast en ekki síst: Hvað vilja þátttakendur og skipuleggjendur sjá gerast.
 
- Við leitum að atriðum og þátttakendum, fötluðum og ófötluðum til þátttöku í hátíðinni 2012 sem hefst 18.apríl 2012 og stendur yfir í um tvær vikur.
 
- Listafólk, aðstandendur listafólks, listnemar, leiðbeinendur, gallerýrekendur, leikhússtjórar, tónleikahaldarar, hugmyndasmiðir, smiðir  og aðrir sem áhuga hafa eru sérstaklega hvattir til að mæta.
 
 
 Kær kveðja
Margrét M. Norðdahl, framkvæmdastýra Listar án landamæra
Netfang: [e-mail]
Símanúmer: 691-8756

Opinn fundur á Akureyri miðvikudaginn 9. Nóvember

Kæru vinir
 
Opinn fundur verður haldinn miðvikudaginn 9. Nóvember frá kl.11-12.
Staðsetning: Fundarsalur Akureyrarstofu í Hofi við Strandgötu 12.

- List án landamæra er Listahátíð sem haldin er einu sinni á ári. Þar er pláss fyrir allskonar fólk og allskonar atriði.
 
- Fundurinn á miðvikudaginn er hugsaður til hugarflugs, umræðna og skoðanaskipta um
hugmyndir fyrir hátíðina 2012.
 
- Á fundinum verður farið yfir hvað hefur verið að gerast. Hvað liggur fyrir í vor?
Og síðast en ekki síst: Hvað vilja þátttakendur og skipuleggjendur sjá gerast.
 
- Við leitum að atriðum og þátttakendum, fötluðum og ófötluðum til þátttöku í hátíðinni 2012 sem hefst 20.apríl 2012 og stendur yfir í um tvær vikur.
 
- Listafólk, aðstandendur listafólks, listnemar, leiðbeinendur, gallerýrekendur, leikhússtjórar, tónleikahaldarar, hugmyndasmiðir, smiðir  og aðrir sem áhuga hafa eru sérstaklega hvattir til að mæta.
 
- Mjög mikilvægt væri að sjá sem flesta á fundinum. Endilega sendið okkur línu á netfangið: [e-mail], fyrir mánudaginn 7. Nóvember og látið vita um mætingu. 
 
 Kær kveðja
Margrét M. Norðdahl, framkvæmdastýra Listar án landamæra
Netfang: [e-mail]
Símanúmer: 691-8756

 

List án landamæra teygir úr sér

Jæja, þá er komið haust og tími til kominn að huga að List án landamæra 2012!

Við stefnum á skemmtilega hátíð og viljum endilega að sem flestir geti tekið þátt.

Það er pláss fyrir öll listform. Leik og söng, tónlist, dans, myndlist og hvað annað skapandi.

Við höfum haldið kynningarfundi í Reykjavík, Akureyri, Reykjanesi og á Egilsstöðum og gætum haldið fundi og kynningar á fleiri stöðum ef óskað er eftir því!!!

Allir sem áhuga hafa á þátttöku eða kynningu geta sent póst á: [e-mail]

eða hringt í síma 691-8756.

Kær kveðja, stjórn Listar án landamæra

 

 

TAKK!

 

Þá er síðasta viðburði á List án landamæra 2011 lokið. 

Við minnum samt á að enn er hægt að sjá sýningu Guðrúnar Bergsdóttur og Ransú í Hafnarborg í Hafnarfirði en sú sýning stendur til 19. júní.

Við þökkum frábæru listafólki fyrir þátttökuna, styrktaraðilum fyrir stuðninginn og áhorfendum og njótendum fyrir áhugann.

 TAKK kæru vinir!!!

 P.s. myndin er eftir Gíu (Gígju Thoroddsen) af hinni dularfullu Mónu Lísu eftir Da Vinci.

List án landamæra á Fellsenda í Dölum. Laugardaginn 21.maí

 

List án landamæra á Fellsenda

Tími: 13 – 19 (1-7)

Hjúkrunarheimilið Fellsendi Dölum

www.fellsendi.is

 Fellsendi er hjúkrunarheimili sem hefur sérhæft sig í að annast einstaklinga með geðraskanir.  Á Fellsenda er unnið eftir Eden hugmyndafræði. Eden hugmyndafræðin leggur áherslu á að eyða  einmanaleika, hjálparleysi og leiða sem eru oft fylgifiskar þess að þurfa að flytja á hjúkrunarheimili.   Til að auka  fjölbreytni í daglegu lífi á  Fellsenda eru þar 30 landnámshænur sem anna að mestu eggjanotkun heimilisins. Tveir  íbúar með sínar kisur og heimilishundur er á staðnum. Í dagstofum eru fiskabúr og garðrækt fer vaxandi.  Auk þessa fara íbúar á tölvunámskeið og í listasmiðju í Borgarnes einu sinni í viku yfir vetratímann.  Verið er að koma á laggirnar listasmiðju á staðnum með glerbræðsluofni,  saumavélum fyrir bútasaum, listmálun, útsaumi og trévinnu svo eitthvað sé nefnt.   Á sýningunni verður fjölbreyttur afrakstur vetrarins því á Fellsenda eru margir frábærir listamenn . Á boðstólum verður kaffi, kakó og vöfflur.

List án landamæra á Akranesi og Húsavík um helgina

 

Lista-smiðjur á laugardegi

Tími: 14:00 til 17.00 (2-5)

Frístunda-miðstöðin Þorpið, Þjóð-braut 13, 300 Akranes

 

Lista-smiðjan Gaman-saman

Verkefnið „Gaman-saman“ hófst á Akranesi vorið 2009.  Aðverkefninu standa Frístundamiðstöðin Þorpið, Frístundaklúbburinn og Rauði kross Akraness.  Kjarni verkefnisins er að leiða saman ólíka hópa barna, þ.e fötluð, ófötluð, af erlendum og innlendum uppruna  með því að bjóða upp á skipulagt tómstundastarf og leyfa þeim að hafa „gaman-saman“ og  skynja fjölbreytileika mannlífsins sem eðlilegan hlut. Sérstök áhersla er lögð á kosti fjölmenningar með því að leyfa börnunum að kynnast ólíkum menningarheimum í gegnum virka þátttöku ( dans, leiklist,matargerð, tónlist, handverk, íþróttir ) Í ramma Gaman-saman verkefnisins á vorönn 2011 fór fram listasmiðja í umsjón Ólafar S. Davíðsdóttur.  Það voru 20 börn á aldrinum 10-14 ára semtóku þátt í listasmiðjunni.

 

 

Listasmiðjur á Akranesi og Borgarnesi

Undanfarin 4-5 ár hefur verið starfrækt Listasmiðja fyrir fólk með fötlun, lengst í Borgarnesi en vorið 2009 bættist Akranes við og haustið 2010 bættust nemendur frá Hjúkrunarheimilinu Fellsenda við. Það er listakonan Ólöf S. Davíðsdóttir sem hefur haft umsjón með hópunum í margskonarlistsköpun. Þar hafa nemendur unnið verk m.a. úr mósaík, gleri, akrýlmálun,leir, járni, tréperlum og fleiru.

 Listamenn frá Akranesi eru: Áslaug Þorsteinsdóttir, GuðrúnÓsk Ragnarsdóttir, Heiðrún Hermannsdóttir, Kristmundur Valgarðsson og Sigurður Smári Kristinsson

 Listamenn frá Borgarnesi eru: Arnar Pálmi Pétursson, Árni Ásbjörn Jónsson, Ásmundur Þór Guðmundsson, Guðmundur Ingi Einarsson, Guðmundur Stefán Guðmundsson, Helga Björg Hannesdóttir, Hildur Björnsdóttir og Ölver Þráinn Bjarnason

 

List án landamæra á Húsavík

Tími: 14 – 17  (2-5)

Setrið geðræktarmiðstöð, Árgötu 12 og Samkomuhúsið á Húsavík

 

Dagskrá í Setrinu 

Spuni úr sauðkind og fleiri kynjaverum

Sýning á verkumnotenda Setursins þar sem þemað er íslenska kindin. Til sýnis og sölu verða munir úr ull, lopa og ýmsu fleiru.

Café Manía

Á meðan sýningu stendur verður boðið upp á kaffiveitingar á vægu verði í Café Manía sem staðsett er í Setrinu

 

Leik-sýning Miðjunnar í Samkomu-húsinu á Húsavík

Spé og spuni

Notendur og starfsfólk Miðjunnar sýna skemmtilegt leikverk í samstarfi við Leikfélag Húsavíkur. Sýnt verður í Samkomuhúsinu á Húsavík klukkan 14 (2).

 

Hur manga lingon finns det i verlden - Lífið er leiksvið

Okkur hjá List án landamæra langar að vekja athygli ykkar á þessari frábæru mynd sem verður frumsýnd í Bíó Paradís föstudaginn 13.maí. ( Við bentum þeim á hana ; )

Lífið er leiksvið eða Hur manga lingon finns det i verlden.

Þessi mynd hefur gersamlega slegið í gegn í Svíþjóð að undanförnu og hátt á þriðja hundrað þúsund manns hafa séð hana. Leikhópurinn, Glada Hudik leikhúsið, tekur þátt í myndinni en þessi hópur hefur gert mikla lukku víða um lönd síðan hann var stofnaður 1996.

http://bioparadis.is/2011/05/09/lifi%c3%b0-er-leiksvi%c3%b0-hur-manga-lingon-finns-det-i-varlden/

Fjölmennt og Skógarlundur í Hofi, fjölbreytt listaverk og leiksýning

 

Fjölmennt og Skógar-lundur í Hofi
Tími: 14 (2)

Menningarhúsið Hof Akureyri

 

Fjölmennt og Skógarlundur opna sýningu á mynd- og listaverkum í Menningarhúsinu Hofi.

 

Fjölmennt: Nemendur Fjölmenntar hafa unnið verkin á sýningunni á námskeiðum í mósaík, myndmennt, textílhönnun, og keramikmálun. Kennarar á þessum námskeiðum eru: Anna Guðný Sigurgeirsdóttir, Hrönn Einarsdóttir, Margrét Steingrímsdóttir, Svala Hrund Stefánsdóttir

Sýnendur eru Aðalbjörg Baldursdóttir, Anna Ragnarsdóttir, Arnfríður Stefánsdóttir, Elísabet Emma Hannesdóttir, Elma Stefánsdóttir, Erla Franklín, Guðrún Káradóttir, Heiðar H. Bergsson, Jón Kristinn Sigurbjörnsson, Kristín Björnsdóttir, Kristín Ólafsdóttir Smith, Kristjana Larssen, María Gísladóttir, Nanna Kristín Antonsdóttir, Pétur Ágúst Pétursson, Símon H. Reynisson, Sævar Örn Bergsson, Telma Axelsdóttir og Þorsteinn Stefánsson.

 

Í tilefni af opnuninni ætla nemendur Fjölmenntar sem hafa tekið þátt í   tónlistarnámskeiði í
Tónlistarskóla Akureyrar að spila tónverk.  Við opnunina ætlar leikhópurinn að sýna aftur „Apóllóníu“ (Sjá dagskrá Opnunarhátíðar 7.maí).

Nemendur sem taka þátt í tónlistaratriðinu eru: Birgitta Móna Daníelsdóttir, Birkir Valgeirsson, Davíð Brynjólfsson, Erla Franklín, Grétar Sigtryggsson, Helgi Jóhannsson, Ingimar Valdimarsson, Karel Heiðarsson, Kristjana Larssen, Magnús Jóhannsson, Pétur Sigurður Jóhannesson, Sveinn Bjarnason og Heiða Rósa Sigurðardóttir.

Samsýning í Hofi 12.maí. Fimmtudaginn 12. maí verður opnun á samsýningu verka eftir notendur í Skógarlundi Hæfingarstöð og nemenda Fjölmenntar á Akureyri.  Opnunin er kl.14 og verður boðið uppá drykk í boði 1862 Bistro í Hofi.  Einnig verður flutt tónlist með þáttöku nemenda frá Fjölmennt.

 

Skógarlundur: Þema hóps hæfingarstöðvarinnar er fuglar, vor og náttúra.Verkin koma úr ýmsum áttum, pappírsverk, leir, ull og tré.  Einnig verða innsetningar unnar með blandaðri tækni.   Notendur á Deild Skapandi starfs í Skógarlundi sem unnið hafa að verkum á sýningunni eru:

Sævar Bergsson, Kristbjörg Jóhannesdóttir, Aðalbjörg Baldursdóttir,Davíð Brynjólfsson,Birkir Valgeirsson, Guðmundur Bjarnason, Esther Berg Grétarsdóttir, Edvin Steingrímsson, Karel Heiðarsson, Áslaug Ásgeirsdóttir, Dóra Magnúsdóttir, Christian Bjarki Rainer,Lára Magnúsdóttir,Pétur Jóhannesson,Guðmundur Þorvaldsson,Ingimar Valdemarsson, Jón Óskar Ísleifsson, Gunnhildur Aradóttir, Áslaug Eva Árnadóttir, Skarpéðinn Einarsson.

 

Sýningin stendur yfir til 19.maí og er opin á opnunartíma Hofs.

Fg í Gallerí Tukt og söngkeppni Tipp topp

 

Starfs-braut FG opnar í Gallerý Tukt klukkan hálf fimm í dag miðvikudag.

Gallerí Tukt, Hitt Húsið, Pósthússtræti 3-5, 101 Reykjavík
www.hitthusid.is , www.fg.is

 Sýning nemenda starfsbrautarinnar í Fjölbrautaskólanum í Garðabæ endurspeglar afrakstur vetrarins. Þar má finna furðudýr og kynjaverur úr textíl, tvívíð verk unnin með fjölbreyttum aðferðum, lagskiptar myndir unnar á persónulegan hátt í Photoshop. Hreyfimyndagerð með stop-motion tækninni unnin með fjölbreyttum aðferðum, meðal annars með leir.Sýnendur eru:Alexandra Eva Matthíasdóttir, Árni Kristinn Alfonsson, Egill Steinþórsson, Erik Númi Christansen, Jakob Alexander Aðils, Jóhann Theodór Þórðarson, Jónatan Nói Snorrason, Haraldur Jóhann Haraldsson, Hringur Úlfarsson, Tara Þöll Danielsen og Sylvía Daðadóttir.Kennarar eru: Ingibjörg Ólafsdóttir, Jóhanna M. Tryggvadóttir og Sari M. Cedergren. Sýningin stendur til 28.maí og er opin frá kl. 9 – 17 (9-5)alla virka daga og á þriðjudögum til kl.22 (10).  

Söng-keppni Tipp Topp

Húsið opnar kl.17 (5) Keppni hefst klukkan 19 (7)
Kjallari Hins hússins, Pósthússtræti 3-5
Inngangur fyrir hjólastóla er Hafnarstætismegin.
www.hitthusid.is  

Tipp Topp er opið félagstarf fyrir fólk með fötlun á aldrinum 16 – 40 ára. Þau halda nú sína árlegu söngkeppni. Þar verða veitt verðlaun fyrir þrjú fyrstu sætin ásamt ýmsum skemmtilegum aukavinningum eins og fyrir sviðsframkomu og búning svo eitthvað sé nefnt.Síðasti dagur skráningar í keppnina er föstudaginn 29.apríl.

 

Skapandi laugardagur um allt land

List án landamæra og Vatnsmýrar-hátíð

Norræna húsið, í Vatnsmýrinni við Háskóla Íslands

Kíkið betur á dagskrána á: www.nordice.is  

BLÓMAGARÐUR ÁSGARÐS, RADDIR ÍBÚA Á SÓLHEIMUM, ÍSLENSK ELDFJÖLL MEÐ AUGUM FINNA, LISTAVERK BARNANNA Á LAUFÁSBORG. SKEMMTIATRIÐI OG ALLS KYNS UPPÁKOMUR VERÐA Í VATNSMÝRINNI. AÐ ÓGLEYMDUM HANDVERKSMARKAÐI ÞAR SEM GYLFAFLÖT, SÓLHEIMAR, ÁSGARÐUR, BJARKARÁS, IÐJUBERG OG LÆKJARÁS SELJA DÁSAMLEGT HANDVERK SITT.

 

Opnunarhátíð á Egilsstöðum

FRÁ KLUKKAN 14 -17 (2-5) Í Sláturhúsinu!  

 

- Töfrar 

Töfrar er mynd eftir Sigurð Ingólfsson og Ólöfu Björku Bragadóttur sem þau unnu með margvíslega yndislegu fólki í Stólpa á Egilsstöðum.  

 

- Valtýr á grænni treyju 

Valtýr á græni treyju er stutt leikin mynd um örlög  stórbóndans Valtýs á Eyjólfsstöðum leikin af nemendum starfsbrautar Menntaskólans á Egilsstöðum í umsjón Ólafar Bjarkar Bragadóttur og Magnúsar H. Helgasonar, kennara á starfsbraut ME.

 

- Andlits-myndir 

Myndlistarsýning starfsfólks í Stólpa og nemenda á Listnámsbraut Menntaskólans á Egilsstöðum.

 

- Hannah 

Kvikmyndin Hannah eftir Sérgio Cruz myndlistarmann frá Portúgal fjallar um galsalegan metnað Hannah Dempsey, sem er ungur dansari og íþróttamaður með fötlun. Myndin er hluti af videólistahátíðinni 700.is Hreindýraland 2011 og hlaut Alternative routes verðlaun hátíðarinnar.

 

- Geðveikt kaffihús Geðveikt kaffihús að hætti kvenfélagsins Bláklukkna

 

- Ljósmynda-sýning Friðrik Kristjánsson sýnir ljósmyndir

 

- Ýmsir list-viðburðir 

Listsýningar frá leik- og grunnskólum Fljótsdalshéraðs

Listsýning frá mann- og geðræktarmiðstöðinni Ásheimum 

Tónlistaratriði frá tónskóla Fljótsdalshéraðs og tónsmiðju Hafþórs Vals Guðjónssonar

Sýning frá handavinnuhóp Hlymsdala

 

 

 

Kvöld-dagskrá Listar án landamæra í Slátur-húsinu

Tími: 19:00 – 22:00 (7-10)

Sláturhúsið, menningar-hús á Egilsstöðum

 

- Svangar skálar

Einstakt súpukvöld, samvinnuverkefni Anne Kampp, leirlistakonu, Guðbjargar Þórisdóttur samstarfskonu hennar og kvenfélagsins Bláklukkna.  Þú kaupir þér súpu og brauð og færð að eiga skálina.

 

- Ríó tríó ábreiður

Tónlistaratriði þar sem fram koma meðal annarra: Sædís Sif Harðardóttir, Hátt upp til fjalla – Ríó tríó ábreiðsluhljómsveit og nemendur tónskólans á Fljótsdalshéraði og Tónsmiðju Hafþórs Vals Guðjónssonar.

 

- Töfrar, Valtýr á grænni treyju og Hannah 

Stuttmyndirnar Töfrar, Valtýr á grænni treyju og Hannah verða einnig sýndar um kvöldið

Listsýningarnar og stuttmyndirnar verða sýndar frá 7. – 20. maí frá kl. 14.00 – 18.00. Enginn aðgangseyrir er á sýningarnar og allir eru velkomnir.

Opnunarhátíð á Akureyri

 

 KLUKKAN 14(2)

Í Ketilhúsinu!

Leikhópur Fjölmenntar sýnir verkið “Appóllónía” eftir færeyskri sögu Edwards Fuglö í íslenskri þýðingu Úlfs Hjörvars og er leikstjórn í höndum  Sögu Jónsdóttur. 

Tónlistarhópur Fjölmenntar verður með tónlistaratriði undir stjórn Láru Sóleyjar Jóhannsdóttur í samvinnu við nemendur úr Tónlistarskólanum.  Flutt verða þekkt íslensk dægurlög og þjóðlög í útsetningum sem henta þátttakendum og verður áheyrendum í sal gefinn kostur á að taka þátt.

Meðlimir úr hópnum Geðlist flytja tónlist og ljóð. 

Opnuð verður sýning á verkum meðlima úr Geðlist og nemenda starfsbrautar Verkmenntaskólans á Akureyri.

 

Að dagskrá lokinni býður Þroskahjálp upp á kaffi og vöfflur í tilefni dagsins.

 

Tónleikar í Frumleikhúsinu í Reykjanesbæ

Tími: 15 (3)

Lifandi og skemmtilegir tónleikar söngfólks sem kemur bæði úr röðum fatlaðra og ófatlaðra undir stjórn okkar frábæru tónlistarmanna Jóhanns Smára Sævarssonar óperusöngvara og Arnórs Vilbergssonar organista. Allir velkomnir og ókeypis aðgangur.