Þér er boðið á Opnunarhátíð

Kæru vinir.

Verið innilega velkomin á ,,Opnunarhátíð Listar án landamæra 2012´´ og opnun sýningarinnar ,,Þrívídd´´ í Ráðhúsi Reykjavíkur  miðvikudaginn 18.apríl klukkan 17:30 ( hálf 6). Hátíðin er túlkuð af ritmáls og táknmálstúlkum.

Klassískur söngur, dunandi trommutaktur, drepfyndið uppistand, hugljúfur ljóðalestur, dúndur popptónlist, kveðandi krummi og dillandi samstarf hins einstaka Bjöllukórs og stuðsveitarinnar Retro Stefson ættu að gleðja ykkur á sviðinu.

Í kjölfarið opnar ævintýraleg listasýning í þrívídd.Þar má sjá krummahreiður, risaketti, fugla, trjáfólk, fagrar leirstyttur, 63 sauðkindur, þrívíðan útsaum og lífsins tré.

Við hvetjum ykkur til þess að kynna ykkur dagskrá hátíðarinnar HÉR!

Frítt er inn á alla viðburði á dagskrá hátíðarinnar og eru allir velkomnir.

Með kærri kveðju frá List án landamæra

P.s. Opnunarhátíðin er umþb. klukkustund og í kjölfarið opnar sýningin.

 

  

Dagskrá hátíðarinnar 2012

Kæru vinir.

 Dagskrárbæklingur hátíðarinnar 2012

 Gleðjist og njótið.

Tónstofa Valgerðar í Hörpu 5. maí.

 

Tónstofa Valgerðar í Hörpu

Á tónleikunum leika nemendur Tónstofu Valgerðar. Bjöllukórinn, einleikarar og söngvarar munu flytja íslensk þjóðlög, dægurlög og klassíska tónlist.

Tónleikarnir verða á opnu svæði í Hörpunni þar sem allir geta notið, þeir hefjast klukkan 15.  Laugardaginn 5.maí.

 Hér má sjá frekari upplýsingar um Tónstofuna: www.tonstofan.is

List án landamæra er á facebook!

 

Kæru vinir.

List án landamæra er á Facebook. Endilega fylgist með þar!!! 

www.facebook.com/pages/List-án-landamæra/329690037048895

Vilt þú vera með?

Opnunarhátíð Listar án landamæra verður 18.apríl.
Á dagskrá eru ótal skapandi og skemmtilegir viðburðir.
Ef að þú hefur áhuga á því að taka þátt hafðu þá samband ekki seinna en 29. febrúar!!!

Sendu línu á [e-mail] eða hringdu í síma 6918756.

Opinn fundur í Reykjavík 11.janúar klukkan 11:00.

Miðvikudaginn 11. janúar klukkan 11 verður fundur í kjallara Hins hússins, Pósthússtræti 3-5,  í Reykjavík.

Aðalinngangur í húsið er frá Pósthússtrætinu en lyfta er inn í húsið úr porti Hafnarstrætismegin!

- List án landamæra er Listahátíð sem haldin er einu sinni á ári. Þar er pláss fyrir allskonar fólk og allskonar atriði.
 
- Fundirnir eru hugsaðir til hugarflugs, umræðna og skoðanaskipta um
hugmyndir fyrir hátíðina 2012.
 
- Á fundinum verður stutt kynning á hátíðinni. Hvað liggur fyrir í vor?
Og síðast en ekki síst: Hvað vilja þátttakendur og skipuleggjendur sjá gerast.
 
- Við leitum að atriðum og þátttakendum, til þátttöku í hátíðinni 2012 sem hefst 18.apríl 2012 og stendur yfir í um tvær vikur.
 
- Listafólk, aðstandendur listafólks, listnemar, leiðbeinendur, gallerýrekendur, leikhússtjórar, tónleikahaldarar, hugmyndasmiðir, smiðir  og aðrir sem áhuga hafa eru sérstaklega hvattir til að mæta.
 

Kær kveðja
Margrét M. Norðdahl, framkvæmdastýra Listar án landamæra
Netfang: [e-mail]
Símanúmer: 691-8756

Austfirðingar og Héraðsbúar

GLEÐILEGT ÁR KÆRU VINIR!

 Við hefjum nýja árið á kynningar og spjallfundi á Egilsstöðum.

Frábær hópur listafólks og skipuleggjenda hefur staðið fyrir viðburðum á Austurlandi síðustu ár. Gaman væri ef fleiri bættust í hópinn ; ) Endilega bregðið ykkur af bæ og kíkið á fund á morgun!

Fimmtudaginn 5.janúar klukkan 11 verður fundur í Sláturhúsinu menningarmiðstöð á Egilsstöðum.

Fundurinn er hugsaður til hugarflugs, umræðna og skoðanaskipta um
hugmyndir fyrir hátíðina 2012.
 
Á fundinum verður farið yfir hvað hefur verið að gerast. Hvað liggur fyrir í vor?
Og síðast en ekki síst: Hvað vilja þátttakendur og skipuleggjendur sjá gerast.
 
Við leitum að atriðum og þátttakendum, til þátttöku í hátíðinni 2012.

Listafólk, aðstandendur listafólks, listnemar, leiðbeinendur, gallerýrekendur, leikhússtjórar, tónleikahaldarar, hugmyndasmiðir, smiðir  og aðrir sem áhuga hafa eru sérstaklega hvattir til að mæta.

Kærleiks og jólakveðja

Gleðileg jól kæru vinir.

Ljós, gleði og þakkir fyrir árið sem er að líða.

Kærleiks og jólakveðja frá List án landamæra 

Myndin er eftir Inga Hrafn Steinarsson listamann

 

Yfir bústað ykkar breiði

ár og friður vængi sína!

Jólin þangað ljúfust leiði

ljós, er foldarbörnum skína!

Ekki gull né auðlegð neina

ég úr fjarlægð þangað sendi

en þá bæn, að ástin hreina

ykkur leiði móðurhendi.

HULDA

 

Opinn fundur á Egilsstöðum 5.janúar og í Reykjavík 11.janúar

Kæru vinir

Við hefjum nýja árið á tveimur kynningar og spjallfundum í Reykjavík og á Egilsstöðum.

Fimmtudaginn 5.janúar klukkan 11 verður fundur í Sláturhúsinu menningarmiðstöð á Egilsstöðum.

Miðvikudaginn 11. janúar klukkan 11 verður fundur í fundarsal Hins hússins 2.hæð, Pósthússtræti 3-5,  í Reykjavík.

- List án landamæra er Listahátíð sem haldin er einu sinni á ári. Þar er pláss fyrir allskonar fólk og allskonar atriði.
 
- Fundirnir eru hugsaðir til hugarflugs, umræðna og skoðanaskipta um
hugmyndir fyrir hátíðina 2012.
 
- Á fundinum verður farið yfir hvað hefur verið að gerast. Hvað liggur fyrir í vor?
Og síðast en ekki síst: Hvað vilja þátttakendur og skipuleggjendur sjá gerast.
 
- Við leitum að atriðum og þátttakendum, til þátttöku í hátíðinni 2012 sem hefst 18.apríl 2012 og stendur yfir í um tvær vikur.
 
- Listafólk, aðstandendur listafólks, listnemar, leiðbeinendur, gallerýrekendur, leikhússtjórar, tónleikahaldarar, hugmyndasmiðir, smiðir  og aðrir sem áhuga hafa eru sérstaklega hvattir til að mæta.
 
Hlakka til að sjá ykkur sem flest.
Kær kveðja
Margrét M. Norðdahl, framkvæmdastýra Listar án landamæra
Netfang: [e-mail]
Símanúmer: 691-8756

Við leitum að listamanni Listar án landamæra 2012!

 

Listamaður hátíðarinnar 2012

Listahátíðin List án landamæra biður um tilnefningar um listamann Listar án landamæra 2012.

Árið 2011 var það listakonan Guðrún Bergsdóttir.   Verk hennar prýddu allt kynningarefni hátíðarinnar og voru verk hennar til sýnis í Hafnarborg í Hafnarfirði.

Tilnefningar og ábendingar sendist í tölvupósti á netfangið: [e-mail],  fyrir 15.janúar 2012.

Kær kveðja, stjórn Listar án landamæra

Mynd af Guðrúnu Bergsdóttur / Mynd af verki eftir Guðrúnu.