Opnunarhátíðin verður 18.apríl

Athugið að þau leiðu mistök urðu að dagsetningu vantar í bæklinginn við opnunarhátíðina i Ráðhúsinu.

Við ítrekum að hún verður föstudaginn 18.apríl kl. 17:00

Dagskrárbæklingur 2008

Hér er hún komin dagskráin 2008. 

Njótið vel 

Skrár tengdar þessari bloggfærslu:

• c_documents_and_settings_compaq_my_documents_list_an_landamaera_2008_dagskrarbaeklingur_2008.pdf

MÁLSTOFA

Listir, menning og fötlun
Málstofa 11 apríl 2008 kl. 15.00-16.30 í stofu 201 Odda Háskóla Íslands

Málstofan Listir, menning og fötlun verður haldin á vegum Rannsóknarseturs í fötlunarfræðum við félagsvísindadeild Háskóla Íslands 11 apríl kl. 15.00 – 16.30 í Odda 201. Í málstofunni verða flutt þrjú erindi sem tengjast listum, menningu og fötlun.


Fötlun og list eða fötlunarlist
Hanna Björg Sigurjónsdóttir, lektor í fötlunarfræði og Kristín Björnsdóttir doktorsnemi í fötlunarfræðum munu fjalla um samspil fötlunar og lista með því að rýna í birtingamyndir fötlunar í listum, listsköpun fatlaðs fólks og fötlunarlist.


„Eitthvað svo afbrigðilegur" Ljóti andarunginn fatlaður.
Eiríksína Kr. Ásgrímsdóttir, bókmenntafræðingur og Kristín Björnsdóttir, doktorsnemi í fötlunarfræði verða með samtal tveggja fræðigreina, bókmenntafræði og fötlunarfræði, um birtingarmyndir fötlunar og útskúfunar í Ljóta andarunga H.C. Andersen.


Fötlun í Norrænum kvikmyndum
Friederike Hesselmann meistaranemi og rithöfundur frá Þýskalandi fjallar um niðurstöður lokaritgerðar sinnar, Disability and the Nordic movie sem segir frá hlutverkum og ímyndum fatlaðra einstaklina í tólf kvikmyndum frá Norðurlöndum

Þeir sem þurfa táknmálstúlk vinsamlegast hafið samband, með viku fyrirvara, við Hönnu Björgu Sigurjónsdóttur [e-mail]

Fyrirlestraröðin er hluti af dagskrá menningarhátíðar fatlaðra: List án landamæra og er opin öllum án endurgjalds.

Dagskrá 2008 tilbúin

Þá er dagskrá fyrir hátíðina 2008 tilbúin og farin í hönnun.

Auglýsingastofan Vatikanið ætlar að styrkja hátíðina og hanna fyrir okkur dagskrárbæklinginn.
Alveg yndislegt.

Hátíðin hefur aldrei verið eins stór, eða eins mörg atriði á dagskránni.

Hún kemur hér inn á næstu dögum.

B.kv. Listin

ATH! Breyttur tími. Fundur á Egilsstöðum, mánudaginn 17. mars kl.12:30

Sæl öll.

Listahátíðin List án Landamæra hefur sig til flugs í fimmta sinn vorið 2008.  Samstarfsaðilar í stjórn hátíðarinnar eru: Fjölmennt, fullorðinsfræðsla fatlaðra, Átak, félag fólks með þroskahömlun, Hitt húsið, Öryrkjabandalag Íslands og Landssamtökin Þroskahjálp. Hafa þessir aðilar hrint af stað kröftugri hátíð sem sett hefur sterkan svip á menningarárið á Íslandi og brotið niður ýmsa múra. Á hátíðinni hafa fatlaðir og ófatlaðir unnið saman að ýmsum listtengdum verkefnum með frábærri útkomu sem hefur leitt til aukins skilning manna á milli með ávinningi fyrir samfélagið allt. Með þetta að leiðarljósi leggjum við upp með nýja hátíð 2008.

Svæðisskrifsstofa málefna fatlaðra á Austurlandi hefur tekið þátt í hátíðinni síðustu ár með afar skemmtilegum atriðum.  Nú væri  gaman að sjá hvort að fleiri hefðu tök og áhuga á þátttöku í List án landamæra á Austurlandi

Mánudaginn 17. mars kl.12:30 verður haldinn fundur um hátíðina. Hann fer fram á Svæðisskrifstofunni, Tjarnabraut 39b

Stutt kynning verður á hátíðinni, en fundurinn er hugsaður til hugarflugs, umræðna og skoðanaskipta um hugmyndir fyrir hátíðina. 

Gaman væri að sjá sem flesta en þið megið gjarnan senda mér línu og tilkynna þátttöku.

 Ég set hér tengla á dagskrárbæklinga síðustu tveggja hátíða 2006 og 2007.

http://throskahjalp.disill.is/media/files/list-an-landamaera.pdf

 http://throskahjalp.disill.is/media/files/B%E6klingur%20Listar%20%E1n%20landam%E6ra%202007.pdf

 Bestu kveðjur, f. hönd stjórnar Listar án landamæra

Margrét M. Norðdahl,
framkvæmdastýra hátíðarinnar. 
 
List án landamæra 
[e-mail]
www.listanlandamaera.blog.is  
Sími: 691-8756

Mars kveðjur

Jæja nú fer að styttast í hátíðina sjálfa.

 Opnunarhátíðin verður haldin þann 18.apríl kl.17 í Ráðhúsi Reykjavíkur.

Á sama tíma opnar myndlistasýning í austursalnum en þar er enn hægt að komast að.

Atburðir á Vetrarhátíð gengu mjög vel þrátt fyrir afleitt veður ; ) Fullur salur var á Uppistandi Hjólastólasveitarinnar og sýningin hans Eyjólfs Kolbeins var ákaflega skemmtileg.

Bestu kveðjur, L án L.

Vetrarhátíð og List án landamæra

Verið velkomin á atburði Listar án landamæra á Vetrarhátíð 

Mynstur - Eyjólfur P. Kolbeins sýnir í Ingólfsnausti (gamla Geysis húsinu, 2.hæð) 

Eyjólfur P. Kolbeins er fæddur árið 1947. Hann varð stúdent frá Menntaskólanum í Reykjavík 1970 og lauk sveinsprófi í smíði frá Iðnskólanum í Reykjavík 1980. Hann hefur unnið að myndlist síðastliðin 20 ár, fyrst í Iðjuþjálfun geðdeildar landspítalans. Núna stundar hann nám á vegum Fjölmenntar við Myndlistaskólann í Reykjavík. Hann hefur haldið nokkrar einkasýningar og tekið þátt í hinum ýmsustu samsýningum gegnum árin meðal annars á vegum Listar án landamæra. Eyjólfur kallar myndir sínar litmyndir og vinnur útfrá innblæstri hverju sinni. Sýningin er sett upp í samstarfi við listahátíðina List án landamæra sem hefst 18. apríl næstkomandi. 

Uppistand! og Hundur í óskilum.

Ekki missa af óborganlegri skemmtan Hjólastólasveitarinnar í tengsum við List án landamæra á VETRARHÁTIÐ. Rosalegt uppistand verður í Hafnarhúsinu þann 7. febrúar kl. 21.00 þegar gríngengið HJÓLASTÓLASVEITIN og hin landsþekkta hljómsveit HUNDUR Í ÓSKILUM rúlla á svið og stíga á stokka. Fara með frumsamið hárbeitt grínefni og flytja íslensk þjóðlög og erlenda slagara á svo kostulegan hátt að seint gleymist! kv Hjólastólasveitin

Skrár tengdar þessari bloggfærslu:

• hjolastolasveitin_texti.pdf

Gleðilegt ár

Við hjá List án landa-mæra óskum ykkur öllum gleðilegs árs og þökkum fyrir gott sam-starf á árinu.

-

Dag-skráin í vor er orðin þétt-skipuð, bæði í Reykja-vík og á lands-byggðinni.

Hins vegar vantar okkur enn atriði og lista-fólk til þátt-töku og ítrekum það að fólk hafi sam-band.

Meðal annars óskum við eftir:

-Lista-fólki í sam-sýningu í Ráð-húsinu 18.apríl.

-Skemmti-atriðum á Opnunar-hátíð í Ráð-húsinu 18. apríl.

-Tónlista-fólki og hljóm-sveitum í ýmsar uppá-komur.

-Þátt-takendum í handverks-markaði

 

Bestu kveðjur, stjórn Listar án landamæra

 

Undirbúningur er hafinn

Undir-búningur fyrir List án landa-mæra 2008 er hafinn.

Við aug-lýsum nú eftir áhuga-sömum þátt-takendum og eftir atriðum.

 Hafið sam-band í tölvu-pósti: [e-mail]

eða í síma: 691-8756

 Bestu kveðjur, stjórnin

 

Opinn fundur 2.október

Opinn fundur Listar án landa-mæra

2. Október 2007

   

- Fundurinn var hugsaður til hugar-flugs, um-ræðna og skoðana-skipta um hug-myndir fyrir hátíðina næsta vor.

 

- Farið var stutt yfir hvað hefur verið að gerast. Hvað liggur fyrir í vor og hvað vilja þátt-takendur sjálfir sjá gerast.

  

Almennt um  List án landa-mæra: 

- Há-tíðin miðar að því að koma fjöl-breyttri list fólks með fötlun á fram-færi. Jafn-framt að koma á sam-starfs-verk-efnum á milli hópa og ein-stak-linga, fatlaðra og ó-fatlaðra.

 

- Stefnt er að því að því að festa há-tíðina í sessi sem ár-legan við-burð í ís-lensku menningar-lífi. Því miðar vel áfram.

 

- Há-tíðin hefur verið haldin fjórum sinnum.

 

- Há-tíðin er haldin í Reykja-vík, á Egils-stöðum, Sel-fossi, Akur-eyri og í Vest-manna-eyjum.

 

- Allar listir eiga sér pláss á há-tíðinni, mynd-list, leik-list, hand-verk, tón-list, gjörningar dans og söngur.

- Þátt-takendum og gestum fjölgar ár frá ári.

 

- Árið 2007 voru at-burðir 27 talsins og sam-starfs-verkefni á milli fatlaðra og ó-fatlaðra 24.

 

- List án landa-mæra er hugsuð sem vett-vangur fyrir fólk til að koma list sinni á fram-færi.

 

- List án landa-mæra er sam-starfs-verk-efni.

  List án landa-mæra 2008 

Í vor liggja fyrir hug-myndir um nokkrar sýningar. Í athugun er:

 

- Ljós-mynda-sýning frá Sól-heimum

 

- Sýning lista-fólks frá Finn-landi í Norræna Húsinu

 

- Sýning frá Fjöl-mennt á Akur-eyri, í Rvk og Akur-eyri. Unnið með list frumbyggja

 

-  Sýning tveggja lista-manna á Akur-eyri

 

- Sam-starf við rannsóknar-setur í fötlunar-fræði við HÍ. (Fyrir-lestrar)

 

- Leik-listar-veisla í Borgar-leik-húsinu

 

- Vor-tónleikar Fjöl-menntar í Reykjavík

 

- Sam-sýning í mynd-list

 Annað í athugun: 

- Stutt-mynd – Tipp topp

 

- Hópa-starf hjá Hinu Húsinu – lok á hátíð 2008

 

- Mynd-list og tón-list frá Fjöl-mennt

 

- Gjörningur með þátt-töku almennings

 

- Geð-veikt kaffi-hús Hugar-afls

 

- Ath. sam-starf LHÍ og Hins Hússins

 

- Ath. Fjöl-menning og geð-heilbrigði

 

- ‘’Menning í Mosfellsbæ’’, uppákomur í Álafosskvos ofl.