Líf og list án landamæra 28.september

Líf og list án landamæra
Sýnileiki, réttindi og þátttaka  

NORRÆN RÁÐSTEFNA
28. september 2009 

Ráðstefnan er haldin á vegum Listar án landamæra, sem er árlegur viðburður þar  sem lögð er áhersla á samvinnu fatlaðra og almennings í gegnum listir og menningarstarf, í þeim tilgangi að efla vitund og skilning á milli einstaklinga sem búa að ólíkri getu til athafna, til hagsbóta fyrir samfélagið í heild.   

Aðstandendur Listar án landamæra eru Landssamtökin Þroskahjálp, Öryrkjabandalag Íslands, Fjölmennt, Átak félag fólks með þroskahömlun og Hitt húsið. 

Ráðstefnan er skipulögð í samráði við Norrænu nefndina um málefni fatlaðra, menntamálaráðuneytið, og með stuðningi Norrænu ráðherranefndarinnar og Norræna menningarsjóðsins. Ráðstefnan er hluti af dagskrá formennskuáætlunar Íslands, sem gegnir formennsku í norrænu ráðherranefndinni árið 2009. 

Á ráðstefnunni verður m.a fjallað um: 
·         Sýnileika og kynningu fatlaðra í fjölmiðlum og menningu í norrænum löndum.
·         Mikilvægi 30. greinar samnings Sameinuðu þjóðanna um réttindi fatlaðs fólks (Þátttaka í menningarlífi, tómstunda-, frístunda- og íþróttastarfi).
·         Gildi Listar án landamæra og annarrar menningarstarfsemi fatlaðra sem fyrirmynda fyrir grasrótar-hreyfingar og þátttöku fatlaðra í listum og menningarstarfi, sem hægt væri að nýta svæðisbundið eða á landsvísu í öðrum norrænum löndum.  


Ráðstefnan fer fram á Grand Hótel í Reykjavík 28. september 2009. 

Ráðstefnan er opin almenningi og allir eru velkomnir en ætti  sérstaklega að höfða til samtaka fatlaðra á Norðurlöndunum, fræðimanna, þeirra er vinna að málefnum fatlaðra og stjórnenda á sviði lista- og menningarmála.

 Ekkert þátttökugjald er á ráðstefnunni, en þátttakendur þurfa að skrá sig. Það má gera með því að slá inn þessa slóð hér fyrir
neðan. Í skráningunni má einnig skrá sig í hádegismat og á leiksýningu Dissimilis í Borgarleikhúsinu.

Skráning:
http://www.eventure-online.com/eventure/welcome.do?type=participant&congress=69_9028&page=index

Sjá dagskrá í viðhengi tengt þessari færslu  

 

 

Skrár tengdar þessari bloggfærslu:

• Líf og List án landamæra
• Life and Art Without Boundaries - Conference

List án landamæra í Finnlandi

Myndir eftir Gígju Thoroddsen í Tampere

Myndir eftir Magnús Ásmundsson í Tampere

 

Hello and greetings from Kettuki Art Centre.
 
Kettuki had last week a short but international exhibition in Tampere Halls Winter garden (http://www.tampere-talo.fi/en/ ) in the city of Tampere (Tammerfors på svenska). The exhibition "Art without Borders" (24.-27.6.2009) was linked to international konference called "My life - Europe in action" (http://www.kvtl.fi/mylife/en).
 
Exhibition included artists from 5 countries, Finland, Sweden, Denmark, Iceland and Estonia. All paintings in the exhibition come from Kettuki art collection.

Ráðstefna 28.september

List án landamæra hefur í  ár haft á sér norrænt yfirbragð, 28 september n.k frá kl 9.00 til 16.00    verður síðan  haldin að Grand hótel ráðstefna um ímynd fatlaðra í fjölmiðlum og listum.

Ráðstefnan er samstarfsverkefni Listar án landamæra á Íslandi, Norræna velferðar miðstöðvarinnar og menntamálaráðuneytisins á Íslandi. Ráðstefna þessi er jafnframt hluti af verkefni Íslands sem formennskulands í norrænu samstarfi árið 2009. Á ráðstefnu þessari verður sjónum manna beint að hvernig fatlaðir og fötlun birtist í fjölmiðlum og listum. Samhliða er tekið til umræðu m.a hvaða skyldur felist í 30 grein samnings Sameinu Þjóðanna um réttindi fatlaðra þar sem segir.

„Aðildarríkin  skulu gera viðeigandi ráðstafanir til þess að fatlaðir

fái tækifæri til að þroska og nota sköpunargáfu sína og listræna og

vitsmunalega getu, ekki einvörðungu í eigin þágu heldur einnig í

því skyni að auðga mannlíf í eigin samfélögum“ 

  

Einnig verður hugmyndafræði og mikilvægi hátíðar eins og Listar án landamæra tekin til skoðunar. 

Um kvöldið verður svo boðið  til veislu þar sem listahópurinn Dissimillis frá Noregi mun sýna okkur list sína á stóra sviði Borgarleikhússins. 

 Upplýsingar um ráðstefnuna birtast hér innan skamms.

List án landamæra í Finnlandi

Nú í júní 2009 verður haldin sýning í Tampere í Finnlandi undir nafni Listar án landamæra. Fyrir henni stendur finnska listmiðstöðin Kettuki en hópur þaðan sýndi á vegum Listar án landamæra í Norræna húsinu 2008. Vonandi er þetta fyrsta skrefið í átt að útbreiðslu hugmyndafræði Listar án landamæra á erlendri grund.

 

Nokkur orð um hátíðina 2009

List án landamæra 2009 

Þátttakendum fjölgar með hverju ári. Í ár voru fleiri bæjarfélög með atburði á dagskrá en nokkru sinni fyrr. Það er vel og vonandi að bætist enn í hópinn fyrir næsta vor enda hefur áhugi á þátttöku vaxið með hverju ári. Það á einnig við um ófatlað listafólk, tónlistarfólk og forstöðufólk gallería. Á dagskránni í vor voru yfir 50 liðir á dagskrá en atburðir voru á höfuðborgarsvæðinu, Egilsstöðum, Vestmannaeyjum, Sólheimum í Grímsnesi, Ísafirði, Ólafsfirði, Siglufirði, Borgarnesi, Svalbarðsströnd, Akureyri og á Húsavík.

 

Af atriðum á dagskrá má nefna samstarfssýningu sex listamanna í Listasal Mosfellsbæjar. Sú sýning bar heitið Lennon og Baktus,  sem tákna e.k. ´´Odd couple´´ eða óvenjulegt par og fyllti listafólkið salinn af listaverkum. Kór Orkuveitunnar og sönghópurinn Blikandi Stjörnur stilltu saman barka sína og sungu á opnunarhátíð í Iðnó. Á Mokka var sýningin Sápukúlur í samstarfi tveggja listamanna, stór samsýning var í Ráðhúsi Reykjavíkur og Geðveikt kaffihús og handverksmarkaður í Hinu Húsinu. Þrjár sýningar voru í Safnasafninu á Svalbarðsströnd en meðal annars reis þar risavaxinn safnvörður á bílastæðinu og mun hann standa þar til frambúðar. Grænlenskt þema var áberandi á Akureyri þar sem nýtt tónverk var flutt og myndlistasýningin Norðurheimskautið var í Amtsbókasafninu. Fjölbreytt list var sýnd í Fjallabyggð og geðveikin laumaðist í kaffið á Húsavík.  Á Egilsstöðum var listahátíð í Sláturhúsinu sem skartaði m.a. leiksmiðju, listasmiðju og fuglagerð. Í Borgarnesi sýndi Outsider art hópurinn í Landnámssetrinu, á Ísafirði var lystaukandi listkaffihús og í Vestmannaeyjum var skemmtileg sýning samhliða opnun fjölskylduhelgar. Það iðaði sem sagt allt af lífi um allt land en ofangreindir atburðir eru eingöngu brot af því sem var í boði.

Hátíðarlok í Vestmannaeyjum

List án landamæra lauk um helgina með sýningu í Vestmannaeyjum. Þar opnaði myndlistasýning í Íþróttahúsi Vestmannaeyja  á verkum þeirra sem þátt tóku í myndlistasamkeppni á vegum Íþróttafélagsins Ægis. Samhliða var opnun fjölskylduhelgar sem hefur verið álegur viðburður í Vestmannaeyjum síðustu ár. Íþróttafélagið hefur lengi gefið út jólakort og selt til styrktar íþróttastarfi fatlaðra í Vestmannaeyjum. Að þessu sinni var haldin samkeppni innan félagsins um myndefni kortanna og verk þeirra sem hlutu 1. og 2. sæti voru prentuð á kortin sem seld voru fyrir jólin. Þátttaka var mjög góð og er nú afrakstur samkeppninnar í heild  til sýnis. Sýningin verður opin í sumar og gefst öllum gestum Íþróttamiðstöðvar Vestmannaeyja tækifæri til að skoða myndverkin.

 

 

Lennon og Baktus í Listasal Mosfellsbæjar

Síðasta tækifæri að sjá Lennon og Baktus í Listasal Mosfellsbæjar.

Sýningunni lýkur á laugardag 23.maí, en þann dag er opið frá 12-15.

Ekki missa af frábærri sýningu.

Yndisleg skrímsli og Sólarupprás í Norræna húsinu

Síðasti séns að sjá sýningarnar Yndisleg skrímsli og Sólarupprás í Vatnsmýrinni.
Opið í Norræna húsinu frá kl.12-17 laugardag og sunnudag.

Tvær frábærar sýningar

Vortónleikar Fjölmenntar

 

Tónleikar Fjölmenntar í Salnum

Í dag klukkan 18 (6) verða vortónleikar Fjölmenntar í Salnum í Kópavogi
Fram koma: Hrynsveitin, Trommusveitin, Söngsveitin, Hljómsveitirnar Plútó og Hraðakstur bannaður. Þá verður einsöngur og ýmsir einleikarar munu leika m.a. á píanó og blokkflautu.

Ókeypis aðgangur og allir velkomnir

Yfirstandandi sýningar á List án landamæra

Reykjavík

Lennon og Baktus í Listasal Mosfellsbæjar.
Þar sýna þau Davíð Örn Halldórsson, Sigrún Huld Hrafnsdóttir, Sigga Björg Sigurðardóttir, Ísak Óli Sævarsson, Baldur Geir Bragason, Gauti Ásgeirsson og Aron Eysteinsson.
Sýningin stendur til 23.maí. www.mos.is/default.asp?sid_id=35138&tId=1

Fabulous Monsters og Sólarupprás í Vatnsmýrinni í Norræna Húsinu
Þar sýnir listafólk frá Danmörku og Sólheimum í Grímsnesi frábær verk.
Sýningin stendur til 17.maí. www.nordice.is

Lækur sýnir á Café Aroma í Hafnarfirði
Elín Dóra Elíasdóttir, Anna Lísa Sigurðardóttir, Ester Landmark, Guðrún Guðlaugsdóttir, Svava Ingþórsdóttir, Ragnhildur Siggeirsdóttir og Hildur Dögg Guðmundsdóttir sýna verk sín á Café Aroma.

Sápukúlur á Mokka
Bjargey Ólafsdóttir og Ingvar Þór Ásmundsson sýna ljósmyndir.
Sýningin stendur til 14.maí. www.mokka.is

Stjarnan mín á Borgarbókasafninu, aðalsafni
Á sýningunni Stjarnan mín sameinast stjörnur barna úr frístundaheimilum Kringlumýrar.

Norðurland

 

Rið á Bláu Könnunni á Akureyri
Finnur Ingi Erlendsson sýnir ljósmyndir frá Bolungarvík.
Sýningin stendur til 16.maí.

Safnasafnið á Svalbarðsströnd
- Safnvörður Huglistar
- Birtingarmynd-Ímynd-Sjálfsmynd
- Fólk og dýr úr leir
www.safnasafnid.is

Vappað inn í vorið í Ketilhúsinu á Akureyri
Sýning Huglistarhópsins á ljóðum, málverkum og skúlptúrum.

KALLI25 í Gallerí Ráðhúsi á Akureyri
Karl Guðmundsson sýnir verk sín.

Myndlist og Handverk í Setrinu á Húsavík
Til sýnis eru myndir, handgerðir skartgripir og fleira handverk eftir notendur í Setrinu.
Sýningin er opin 11-13 maí frá kl.12-16.

Norður heimsskautið í Amtsbókasafninu á Akureyri
Hópur úr Fjölmennt á Akureyri sýnir fjölbreytt verk unnin út frá þemanu ´´Norður heimsskautið´´.
Sýningin stendur til 30.júní.